tum ko daikha to yeh khayal aaya
zindagi dhoop tum ghana saaya
aaj phir dil ne ik tamanna ki
aaj phir dil ko hum ne samjhaya
tum chalay jao gay to sochaiN gay
hum ne kia khoya, hum ne kia paya?
hum jisay gunguna nahiN saktay
waqt ne aisa geet kiyoN gaaya?
dil k phool bhi khiltay haiN bikhar jatay haiN
zahkm kaisay bhi hoN kuch roz maiN bhar jatay haiN
us dareechay maiN bhi ab koi nahiN aur hum bhi
sar jhukaye huwe chup chaap guzar jatay haiN
raasta rokay khari hai yehi uljhan kab say
koi poochay to kahaiN kia haiN, kidhar jatay haiN
narm aawaz, bhali bataiN, muhazzab lehjay
pehli barish maiN hi yeh rang utar jatay haiN
No comments:
Post a Comment