Aaj rothey huey sajan ko bht yaad kiya

Aaj rothey huey sajan ko bht yaad kiya
apney ujdey huey gulshan ko bht yaad kiya

... jb kbhi gardish e taqdeer ne ghaira hai hmen
gaisoo e yaar ki uljhan ko bht yaad kiya

shamma ki jot pe jaltey huey parwanun ne
ik terey shoula e daman ko bht yaad kiya

aaj totey huey sapnun ki bht yaad ayi
aaj beetey huey sawan ko bht yaad kiya

mutmain ho hi gayey daam o qafas mein saghar
hm aseerun ne nashaiman ko bht yaad kiya