Wahdat ki hifazat nahin bay quat-e-bazu
Aati nahin kuch kaam yahan aql-e-Khudadad
Aey mard-e-Khuda! tujh ko wo qu'at nahin haasil
Ja baith kisi ghaar main Allah ko ker yaad
Mullah ko jo hai Hind main sajdey ki ijazat
Nadan ye samjhta hai kay Islam hai azaad
Sufi ki tareeqat main faqat masti-e-ahwaal
Mullah ki shariat main faqat masti-e-guftaar
Wo mard-e-mujahid nazar aata nahin mujh ko
Ho jis kay rag-o-pey main faqat masti-e-kirdaar
Peeran-e-kaleesa hon ya sheikhan-e-Haram hon
Na jiddat-e-kirdar, na jiddat-e-guftaar
Duniya ko hai uss mehdi-e-berhaq ki zaroorat
Ho jiski nigah zalzala-e-aalam-e-ufkaar
No comments:
Post a Comment